ڕێوڕەسمێن بەخشینا باوەرنامەیان ب سەر پشکدارێن خۆلا ڕاگەهاندنا زانکۆیێ
پێنجشەمبی، ٣٠ـی تەمموزا ٢٠٢٦
ل ژێر چاڤدێری و ب ئامادەبوونا بەرێزان (پ.هـ.د. جاسم محمد عبدو) هاریکارێ سەرۆکێ زانکۆیا زاخۆ بۆ کاروبارێن زانستی و خواندنا بلند و (د. یمان سامی شریف) هاریکارێ سەرۆکێ زانکۆیا پۆلیتەکنیک یا دهۆک بۆ کاروبارێن زانستی، ب هەماهەنگییەکا سەرکەفتی دگەل ئۆفیسا ڕاوێژکاری یا زانکۆیا پۆلیتەکنیک یا دهۆک، رێوڕەسمێن بەخشینا باوەرنامەیێن پشکداریکردنێ ب سەر ١٤ پشکداران دا هاتنە ئەنجامدان.
ئەڤ ڕێوڕەسمە ب مەرەما ڕێزلێنانێ بوو ل سەرکەفتنا پشکداران د خولا تایبەتا ڕاگەهاندنێ دا کو ل ژێر ناڤونیشانێ "پڕۆژێ بەرهەمئینانا ناڤەڕۆکا ڕاگەهاندنا زانکۆیێ" هاتبووە ڕێکخستن. خولا ناڤبری بۆ ماوێ سێ ڕۆژان (ژ ١٥ هەتا ١٧ـی شوباتا ٢٠٢٦) و ب کۆمکرنا (١٥) دەمژمێرێن ڕاهێنانێن تیۆری و کرداری بڕێڤەچوو.
د چارچۆڤێ ئەڤێ چالاکیێ دا، سوپاس و پێزانین ئاراستەی مامۆستایێن خولێ هاتنە کرن بۆ پێشکێشکرنا بابەتێن زانستی ب ئاستەکێ بڵند و ئەکادیمی. هەروەسا جەخت ل سەر وێ چەندێ هاتە کرن کو ئەڤ جۆرە خولە پێنگاڤەکا گرنگ و کاریگەرە بۆ بەرەڤپێشبرن و بڵندکرنا ئاستێ ڕاگەهاندنا زانکۆیێ بەرەڤ کارەکێ ئەکادیمی و سەردەمیانە.
ل دوماهیێ، بڕوانامەیێن خولێ کو ژ لایێ سەرۆکاتیا زانکۆیا پۆلیتەکنیک یا دهۆک ڤە هاتبوونە باوەڕپێکرن و ئامادەکرن، ب سەر هەردووڤدە (١٤) پشکداران دا هاتنە دابەشکرن، دگەل خواستنا هیڤیێن سەرکەفتنێ و بەردەوامیێ بۆ وان د کار و پیشەیێن وان دا.